Videopenssel

Pargovyehi: uccâ juávhoin
Pištem: 90 minuttid
Luokah: 0.–3.

Taan hárjuttâsâst uáppee kiävttá kamera pirrâs kuvviimân. Uáppee totká jieijâs pirrâsist kávnojeijee čuosâttuvâid, maid ovtâstiteh geometrisiih häämih, ivne teikâ vuossâmuš puustav.

Ulmeh:

• tutkâđ pirrâs já kiddiđ huámmášume tiiŋgâi noomân, haamijd já ivnijd
• oppâđ kuvviđ já kuorâttâllâđ tom, mii kovvejuvvoo

Tarbâšeh:

• tablet teikâ mottoom eres kuvvimpiergâs jyehi uccâ juávkun. Kovvejum pittáid puáhtá ovtâstittiđ videoeditistemheiviittâssáin (ovdâmerkkân iMovie teikâ FilmoraGo).

---

Pargopitá mudoh

1. Máttáátteijee juáhá uáppeid uccâ juávhoid já addel kuvvimteema jyehi juávkun. Juávhuh uážžuh kuvviđ čuosâttuvâid,
   • moh älgih tiätu pustaváin (om. P: pevdi, pállu…)
   • moh láá tiätu ivnásiih teikâ
   • main lii tiätu geometrisâš häämi (riegis, neljihâš teikâ kulmâhâš).
2. Uccâ juávhuh oceh čuosâttuvâid soppum kuávlust já kovvejeh jyehi čuosâttuvâst 10 seekunt video. Kuvvim álgá aaibâs čuosâttuv aldasijn. Tastmaŋa ferttee sirdâšuđ hitásávt olgoláá ton räi ko kooveest uáinoo ubâ čuosâttâh.
3. Juávhuh kovvejeh nuuvt ennuv čuosâttuvâid ko toh kiergâneh 20 minuttist.
4. Loopâst mij keččâp oovtâst puoh kovvejum videoid. Mij pyehtip koskâlduttiđ video (“Pause”) talle ko ij vala oinuu ubâ čuosâttâh, vâi mij peessâp ervidiđ tom, mii čuosâttuvâid tot lii. Kejâdijnân mij savâstâllâp tast, mondiet čuosâttuvah láá tiätu hámásiih já ivnásiih.

Vyelni Videopenssel-vuáháduv máttááttâsvideo (pištem 6 miinut):

Täst tun puávtáh luođiđ suomâkielâlii Videopenssel-vuáháduv raavâkirje (pdf)