Videopensel

Bargovuohki: smávvajoavkkuin
Guhkkodat: 90 min
Luohkát: 0.–3.

Dán bargobihtás geavahit kámera birrasa áiccadeapmái. Dutkat birrasa čuozáhagaid, main ovttastuvvet geometralaš hámit, ivnnit dahje álgobustávva.

Ulbmilat:

• dutkat birrasa, nu ahte gidde fuomášumi áššiid namahusaide, hámiide ja ivnniide
• oahppat govvet mášuin

Maid dárbbašat:

• juohke smávvajovkui neahtuš dahje eará govvenrusttet. Govvejuvvon govvengerddiid sáhttá ovttastahttit videoediterenheivehusain, jos nu háliideš (ovdamearkka dihte iMovie dahje FilmoraGo).

---

Bargomuttut:

1. Oahpaheaddji juohká ohppiid smávvajoavkkuide ja addá juohke jovkui govvenfáttá: joavkkut ožžot govvet čuozáhagaid, mat
   • álget dihto bustávain (omd. S: stuollu, soffá…),
   • dain lea dihto ivdni dahje
   • main lea dihto geometralaš hápmi (gierdu, njealjehas golmmačiegahas).
2. Smávvajoavkkut ohcet čuozáhagaid sohppojuvvon birrasis ja govvejit juohke čuozáhaga 10 sekundda guhkkosaš videogovvengearddi. Govvengeardi govvejuvvo, nu ahte álggahit báddema čuozáhaga lahka ja de guhkkánit das hihtásit. Guhkkánit dassážii, go čuozáhat oidno ollásit.
3. Joavkkut govvejit nu máŋga čuozáhaga go gerget 20 minuvttas.
4. Loahpas govvejuvvon videoid geahččat ovttas. Govvejuvvon čuozáhagaid sáhttá árvádaddat, go bissehit video boalus (“Pause”), go čuozáhat ii vel oidno govas ollásit. Geahčadeami áigge ságastit, manin čuozáhagain lea dihto hápmi dahje ivdni.

Vulobealde Videopensel-vuogi oahpahanvideo (guhkkodat 6 min):

Dákko sáhtát luđet suomagielat Videopensel-rávvagiid (pdf)